Pêşbaziya Çîrok û Helbestan a Huseyîn Çelebî dest pê kir. Kesên dixwazin beşdar bibin divê heta 1.09.2009′an berhemên xwe bişînin ber destê komîteya amadekar.
Pêşbaziya Çîrok û Helbestan a Huseyîn Çelekî ji aliyê YXK’ê (Yekîtiya Xwendekarên Kurdistanê) ve ev 17 sal in tê li dar xistin. Pêşbaziya ku di nav kurdan de pêşbaziya herî temendirêj e ji bo bîranîna Huseyîn Çelebî li ser navê wî tê li dar xistin. Pêşbazî bi kurdî (kurmancî-zazakî) û tirkî ye.

Kesên bixwazin beşdar bibin divê heta 1′ê rezbera 2009′an berhemên xwe bişînin ber destê komîteya amadekar.

Li gor daxuyaniya komîteya amadekar her kes dikare di beşa helbestê de bi du, di beşa çîrokê de jî bi berhemeke beşdar bibe.

Her wiha endamên juriyê yên pêşbaziyê jî hatin diyarkirin. Di warê çîroka kurmancî de  Şener Ozmen, Çiya Mazî û Adil Zozanî, di warê helbesta kurmancî de  Berken Bereh, Bêrî Bihar û Omer Dilsoz  di warê zazakî de jî  Çetin Satici û Kamer Soylemez cih digirin.
Di beşa pêşbaziya tirkî beşa çîrokê de  Oya Baydar, Esra Çiftçi û Şeyhmus Diken, di beşa helbesta tirkî de jî Namik Kuyumcu, Sezai Sarioglu û Huseyin Şahin wekî endamên juriyê hatine diyarkirin.

Ji bo agahiyên berfireh û ji bo şandina berheman navnîşan:
E-mail: h.celebi2009@hotmail.de

Çalakiya Huseyin Çelebi, Postfach 103831, 50478 Koln/Almanya
www.yxk-online.com